የአጠቃቀም ውሎች

1. ስለ ድረ-ገጹ

BOSAD የተጀመረው በኢትዮጵያ ከባህላዊ የአጥንት ሕክምና ጋር የተያያዙ አካል ጉዳቶችንና ውስብስብ የጤና ችግሮችን ለመመርመር በተካሄደ ጥናት ነው። ዛሬ ሥራዎቹ የአጥንት ጤናን፣ የጉዳትና የአጥንት ስብራት እንክብካቤን፣ ማገገምን፣ ምርምርን፣ ትምህርትንና የጤና ማሻሻያ ሥራዎችን ያካትታሉ።

ድረ-ገጹ የጤና መረጃዎችን፣ የምርምር መዝገቦችን፣ ሳይንሳዊ ሕትመቶችን፣ የትምህርት መርጃዎችን፣ ለጤና ባለሙያዎች የተዘጋጁ የመማሪያ ግብዓቶችንና ስለ BOSAD ሥራዎች መረጃ ያቀርባል።

እያንዳንዱ ይዘት በሚመለከተው ገጽ ላይ ለተገለጸው ዓላማና ለታለሙት ተጠቃሚዎች የተዘጋጀ ነው። ድረ-ገጹን መጎብኘት ወይም መጠቀም ብቻውን ከBOSAD ጋር የሕክምና፣ የሙያ፣ የምርምር ወይም የተቋማዊ ግንኙነት አይፈጥርም።

2. የጤና መረጃና የሕክምና ምክር

በዚህ ድረ-ገጽ ላይ የሚታተሙ የጤና መረጃዎች ለአጠቃላይ ትምህርትና የሕዝብን ግንዛቤ ለማሳደግ የተዘጋጁ ናቸው። እነዚህ መረጃዎች ብቃት ባለው የጤና ባለሙያ የሚደረግን የግለሰብ የጤና ግምገማ፣ የበሽታ ምርመራ፣ ሕክምና ወይም የሕክምና ምክር አይተኩም።

የሰዎች የጤና ሁኔታ፣ የደረሰባቸው ጉዳትና የማገገም ፍላጎት ከአንዱ ወደ ሌላው ሊለያይ ይችላል። በድረ-ገጹ ላይ የቀረቡ መረጃዎች ለእርስዎ የተለየ የጤና ሁኔታ ተስማሚ ላይሆኑ ይችላሉ።

በድረ-ገጹ ላይ ባነበቡት መረጃ ምክንያት ተገቢውን የሕክምና እንክብካቤ ከመፈለግ አይዘግዩ፤ የጤና ባለሙያ የሰጥዎትንም ምክር ችላ አይበሉ።

BOSAD በድረ-ገጹ ወይም በመገናኛ ቅጹ አማካኝነት ለግለሰቦች የተለየ የሕክምና ምክክር፣ አስቸኳይ የጤና ግምገማ ወይም የአስቸኳይ ሕክምና አገልግሎት አይሰጥም። አስቸኳይ የሕክምና እርዳታ ካስፈለገዎት፣ በአካባቢዎ ከሚገኝ ተገቢ የጤና አገልግሎት እርዳታ ያግኙ።

3. ለጤና ባለሙያዎች የተዘጋጁ የትምህርት መርጃዎች

BOSAD ለጤና ባለሙያዎች፣ ለአስተማሪዎችና በባለሙያ ክትትል ሥር ለሚሠለጥኑ ሰዎች የትምህርት መርጃዎችን ያቀርባል። እነዚህም የሕክምና ሂደቶችን የሚያሳዩ ማብራሪያዎችን፣ የቪዲዮ ትምህርቶችን፣ የትምህርት ሰነዶችን፣ የመልመጃ ወረቀቶችን፣ የታካሚ ግንኙነት መርጃዎችንና በምሳሌ ጉዳዮች ላይ የተመሠረቱ የመማሪያ ግብዓቶችን ሊያካትቱ ይችላሉ።

እነዚህ መርጃዎች ለትምህርት፣ ለሙያዊ ውይይትና በባለሙያ ክትትል ሥር ለሚካሄድ ሥልጠና የተዘጋጁ ናቸው። መደበኛ የሕክምና ሥልጠናን፣ ተገቢ የባለሙያ ክትትልን፣ የሙያ ውሳኔን ወይም የሚመለከታቸውን የሕክምና መመሪያዎች አይተኩም።

የሕክምና ሂደትን የሚያሳይ ቪዲዮ መመልከት ወይም አንድን የትምህርት መርጃ ማጠናቀቅ ብቻውን የሕክምና ብቃት እንዳለዎት ወይም የሕክምና ሂደቱን ያለ ባለሙያ ክትትል ለማከናወን ፈቃድ እንዳገኙ አያረጋግጥም።

በግልጽ ካልተገለጸና ተገቢው ማረጋገጫ ካልቀረበ በስተቀር፣ የBOSAD የትምህርት መርጃዎች የሙያ ዕውቅና፣ የሥልጠና ማረጋገጫ ወይም የቀጣይ የሙያ ልማት (CPD) ነጥቦች አይሰጡም።

ለትምህርት የተዘጋጁ ምሳሌያዊ የታካሚ ጉዳዮች ለመማሪያ ዓላማ የሚያገለግሉ ሲሆን፣ እንደ እውነተኛ የታካሚ መዝገቦች ወይም በማስረጃ የተመዘገቡ የሕክምና ውጤቶች ተደርገው መወሰድ የለባቸውም።

ተጠቃሚዎች የእያንዳንዱን መርጃ የታለመ ተጠቃሚ፣ ትምህርታዊ ዓላማ፣ ውስንነቶችና ተገቢ የሕክምና አውድ ከግምት በማስገባት መጠቀም አለባቸው።

4. የጥናትና ምርምር መረጃዎች

BOSAD የምርምር መረጃዎችን፣ የጥናት መግለጫዎችን፣ የሳይንሳዊ ሕትመት መዝገቦችንና የምርምር ግኝቶች ማጠቃለያዎችን በድረ-ገጹ ላይ ያቀርባል።

የምርምር ማጠቃለያዎች ሳይንሳዊ ማስረጃዎችን ለማግኘትና ለመረዳት ይበልጥ ቀላል ለማድረግ የተዘጋጁ ናቸው። ሆኖም ዋናውን የሳይንሳዊ ሕትመት ወይም በውስጡ የተገለጹትን የምርምር ዘዴዎች፣ ውጤቶች፣ ውይይቶችና ውስንነቶች ሙሉ በሙሉ አይተኩም።

የምርምር ግኝቶች ሲተረጎሙ ጥናቱ የተካሄደበትን የሕዝብ ቡድንና አካባቢ፣ የጥናቱን ንድፍና ያሉትን ሳይንሳዊ ማስረጃዎች ከግምት ውስጥ ማስገባት አለበት። በሁለት ነገሮች መካከል የታየ ግንኙነት የግድ የምክንያትና የውጤት ግንኙነትን አያረጋግጥም። እንዲሁም ከአንድ ጥናት የተገኙ ውጤቶች ለሌሎች የሕዝብ ቡድኖች ወይም የተለያዩ ሁኔታዎች ሁሉ ተፈጻሚ ናቸው ተብሎ መወሰድ የለበትም።

BOSAD በተቻለ መጠን ወደ ዋናዎቹ ሳይንሳዊ ሕትመቶችና የመረጃ ምንጮች የሚወስዱ አገናኞችን ያቀርባል። አንባቢዎች የምርምር መረጃዎችን ለትምህርታዊ፣ ሳይንሳዊ፣ ለሕክምና ወይም ለሙያዊ ዓላማ ሲጠቀሙ እነዚህን ዋና ምንጮች እንዲመለከቱ እናበረታታለን።

5. የፈጠራ ሥራዎች መብትና ይዘቶችን እንደገና መጠቀም

የBOSAD ድረ-ገጽ በBOSAD የተዘጋጁ የመጀመሪያ ይዘቶችን እንዲሁም በሌሎች አካላት የታተሙ ጽሑፎችን፣ ፎቶግራፎችን፣ ቪዲዮዎችን፣ ሥዕሎችን፣ ሰነዶችንና ሌሎች መርጃዎችን ያካትታል።

የቅጂ መብትና ሌሎች የፈጠራ ሥራዎች መብቶች የሚመለከታቸው የመብት ባለቤቶች ናቸው። አንድ ይዘት በድረ-ገጹ ላይ መገኘቱ የይዘቱ ባለቤትነት ተላልፏል ወይም ያለ ገደብ ለመቅዳት፣ ለማሻሻል፣ እንደገና ለማሰራጨት ወይም ለንግድ ዓላማ ለመጠቀም ፈቃድ ተሰጥቷል ማለት አይደለም።

በሚመለከታቸው ሕጎች፣ ለይዘቶቹ በተወሰኑ የአጠቃቀም ፈቃዶችና ከእነዚህ ጋር በተያያዙ የመብት ማስታወቂያዎች በተፈቀደው መጠን መረጃዎቹን ማግኘት፣ ማተምና መጠቀም ይችላሉ።

መረጃዎችን ሲያባዙ ወይም ወደ ሌላ አጠቃቀም ሲያስተካክሉ፣ የምንጩንና የይዘቱን ባለቤት ለመጥቀስ የተቀመጡትን መስፈርቶች ማክበርና አስፈላጊ ሲሆን ተገቢውን ፈቃድ ማግኘት አለባቸው።

በBOSAD የተዘጋጁ ይዘቶችን አስቀድሞ ከተሰጠው ፈቃድ ውጪ ለመጠቀም ከፈለጉ፣ እባክዎ BOSADን ያግኙ። በሌሎች አካላት ለተዘጋጁ ይዘቶች ደግሞ የመጀመሪያውን የመብት ባለቤትና የሚመለከታቸውን የአጠቃቀም ፈቃዶች ይመልከቱ።

6. ወደ ውጭ ድረ-ገጾች የሚወስዱ አገናኞችና የሌሎች አካላት አገልግሎቶች

ድረ-ገጻችን ወደ ውጭ የሕትመት መድረኮች፣ የተቋማት ድረ-ገጾች፣ የትምህርት መድረኮች፣ የምርምር መረጃ ቋቶችና የቪዲዮ አገልግሎቶች የሚወስዱ አገናኞችን ሊያካትት ይችላል።

እነዚህ መርጃዎች በሌሎች አካላት የሚተዳደሩ ሲሆን፣ የራሳቸው የአጠቃቀም ውሎች፣ የግላዊነት ፖሊሲዎችና የተደራሽነት አሠራሮች ሊኖሯቸው ይችላሉ።

BOSAD በሌሎች አካላት በገለልተኝነት ለሚተዳደሩ ድረ-ገጾችና አገልግሎቶች ኃላፊነት አይወስድም። ወደ ውጭ መርጃ የሚወስድ አገናኝ መኖሩ ብቻውን የመርጃውን ባለቤትነት፣ የBOSADን ድጋፍ ወይም መደበኛ ተቋማዊ አጋርነት አያመለክትም።

ወደ ውጭ ድረ-ገጾች ወይም አገልግሎቶች ሲገቡ፣ የሚመለከታቸውን የአጠቃቀም ውሎችና ፖሊሲዎች እንዲመለከቱ እናበረታታለን።

7. ድረ-ገጹን በተገቢው መንገድ መጠቀም

ጎብኚዎች ድረ-ገጹን ሕግን በሚያከብርና ኃላፊነት በተሞላበት መንገድ መጠቀም አለባቸው።

የድረ-ገጹን ደህንነት ለማጥቃት፣ አሠራሩን ለማስተጓጎል፣ ፈቃድ ለሌላቸው ሥርዓቶች ያለ ፈቃድ ለመግባት፣ ጎጂ ሶፍትዌሮችን ለማሰራጨት ወይም የድረ-ገጹንና የአገልግሎቶቹን መደበኛ አሠራር የሚያውኩ አውቶማቲክ ዘዴዎችን ለመጠቀም መሞከር የተከለከለ ነው።

የመገናኛ ቅጹን ያልተፈለጉ ተደጋጋሚ መልዕክቶችን፣ የማጭበርበር መረጃዎችን፣ ዛቻ የያዙ መልዕክቶችን ወይም ሌሎች ተገቢ ያልሆኑ ይዘቶችን ለመላክ መጠቀም የተከለከለ ነው።

BOSAD ድረ-ገጹንና ተጠቃሚዎቹን አላግባብ ከሚደረግ አጠቃቀም ለመጠበቅ፣ ተገቢ ያልሆኑ እንቅስቃሴዎችን መገደብን ጨምሮ አስፈላጊና ምክንያታዊ እርምጃዎችን ሊወስድ ይችላል።

8. የመገናኛ ቅጽና የሚላኩ መልዕክቶች

የBOSAD የመገናኛ ቅጽ ስለ ምርምር ጥያቄዎችን፣ የትብብር ሐሳቦችን፣ ስለ የትምህርት መርጃዎች ጥያቄዎችን፣ የይዘት እርማት ጥቆማዎችን፣ አስተያየቶችንና ሌሎች መልዕክቶችን ለመላክ የተዘጋጀ ነው።

እባክዎ ትክክለኛ የመገናኛ መረጃዎችንና BOSAD ጥያቄዎን ለመረዳት የሚያስፈልጉ በቂ ዝርዝሮችን ያቅርቡ።

የታካሚዎችን ማንነት ሊገልጹ የሚችሉ የሕክምና መዝገቦችን፣ ሚስጥራዊ የሕክምና ፎቶግራፎችን፣ ያልታተሙ የምርምር መረጃዎችን፣ የይለፍ ቃሎችን ወይም ሌሎች ሚስጥራዊ መረጃዎችን በዚህ የመገናኛ ቅጽ አማካኝነት አይላኩ።

በቅጹ በኩል የሚላኩ መረጃዎች በBOSAD የግላዊነት ፖሊሲ መሠረት ይስተናገዳሉ።

መልዕክት መላክ ብቻውን ከBOSAD ጋር ሙያዊ ግንኙነት አይፈጥርም፣ መደበኛ አጋርነት አያቋቁምም። እንዲሁም የቀረበው የትብብር ሐሳብ ተቀባይነት እንደሚያገኝ ዋስትና አይሰጥም።

9. የመረጃ ትክክለኛነትና የአገልግሎት ተደራሽነት

BOSAD ግልጽ፣ ትክክለኛና በተገቢ ምንጮች የተደገፉ መረጃዎችን ለማቅረብ ይሠራል። ሆኖም ሳይንሳዊ ማስረጃዎች፣ የሕክምና ዕውቀት፣ የተቋማት መረጃዎችና ከውጭ ምንጮች የሚገኙ መርጃዎች ከጊዜ ወደ ጊዜ ሊለወጡ ይችላሉ።

የድረ-ገጹ ይዘቶች እንደ አስፈላጊነቱ ሊሻሻሉ፣ ሊታረሙ፣ በሌላ ሊተኩ ወይም ከድረ-ገጹ ሊወገዱ ይችላሉ።

BOSAD በድረ-ገጹ ላይ የሚገኙ ሁሉም ገጾች፣ መርጃዎችና የውጭ አገልግሎቶች ያለማቋረጥ ተደራሽ እንደሚሆኑ ዋስትና አይሰጥም።

ጎብኚዎች አንድን መረጃ ለተወሰነ ዓላማ ከመጠቀማቸው በፊት ለዚያ ዓላማ ተገቢ መሆኑንና ውስንነቶቹን ከግምት ውስጥ ማስገባት የራሳቸው ኃላፊነት ነው።

በድረ-ገጹ ላይ ትክክል ያልሆነ፣ ግልጽ ያልሆነ ወይም ወቅታዊነቱን ያጣ መረጃ ካገኙ፣ በ«አግኙን» ገጽ አማካኝነት እንዲያሳውቁን እናበረታታለን።

10. በአጠቃቀም ውሎቹ ላይ የሚደረጉ ለውጦች

BOSAD በድረ-ገጹ፣ በአገልግሎቶቹ ወይም በሚመለከታቸው መስፈርቶች ላይ የሚደረጉ ለውጦችን ለማንጸባረቅ እነዚህን የአጠቃቀም ውሎች ሊያሻሽል ይችላል።

በሚመለከታቸው ሕጎች መሠረት፣ በዚህ ገጽ ላይ የታተመው ወቅታዊ የአጠቃቀም ውሎች ስሪት ለድረ-ገጹ አጠቃቀም ተፈጻሚ ይሆናል።

11. አግኙን

ስለ እነዚህ የአጠቃቀም ውሎች፣ ይዘቶችን ለመጠቀም ስለሚያስፈልጉ ፈቃዶች ወይም የBOSAD መርጃዎችን በተገቢው መንገድ ስለመጠቀም ጥያቄ ካለዎት፣ በ«አግኙን» ገጽ በኩል መልዕክት ይላኩልን።